ਕੋਈ ਵੀ ਇੱਕ ਕਾਰਕ ‘ਜਨਤਕ ਸਲਾਮਤੀ ਲਈ ਬਿਜਲੀ ਕੱਟ’ ਦਾ ਆਧਾਰ ਨਹੀਂ ਬਣਦਾ, ਕਿਉਂਕਿ ਹਰ ਪ੍ਰਸਥਿਤੀ ਵਿਲੱਖਣ ਹੁੰਦੀ ਹੈ। ਇਸ ਬਾਰੇ ਨਿਰਣਾ ਕਰਦੇ ਸਮੇਂ ਕਿ ਕੀ ਸੁਰੱਖਿਆ ਵਾਸਤੇ ਬਿਜਲੀ ਸਪਲਾਈ ਬੰਦ ਕੀਤੀ ਜਾਵੇ ਜਾਂ ਨਹੀਂ, PG&E ਧਿਆਨ ਨਾਲ ਬਹੁਤ ਸਾਰੀਆਂ ਕਸੌਟੀਆਂ ਦੇ ਸੁਮੇਲ ਦੀ ਸਮੀਖਿਆ ਕਰਦੀ ਹੈ। ਇਹਨਾਂ ਕਾਰਕਾਂ ਵਿੱਚ ਨਿਮਨਲਿਖਤ ਸ਼ਾਮਲ ਹਨ, ਪਰ ਸੂਚੀ ਏਥੋਂ ਤੱਕ ਸੀਮਤ ਨਹੀਂ ਹੈ:

• ਨੈਸ਼ਨਲ ਵੈਦਰ ਸਰਵੀਸ (National Weather Service) ਵੱਲੋਂ ਘੋਸ਼ਿਤ ਰੈੱਡ ਫਲੈਗ ਵਾਰਨਿੰਗ
• ਨਮੀ ਦੇ ਨੀਵੇਂ ਪੱਧਰ, ਆਮ ਤੌਰ ’ਤੇ 20 ਪ੍ਰਤੀਸ਼ਤ ਅਤੇ ਇਸ ਤੋਂ ਘੱਟ
• ਆਮ ਤੌਰ ’ਤੇ 25 ਮੀਲ ਪ੍ਰਤੀ ਘੰਟਾ (mph) ਤੋਂ ਵੱਧ ਗਤੀ ਵਾਲੀਆ ਟਿਕਾਊ ਤੇਜ਼-ਹਵਾਵਾਂ ਅਤੇ ਲਗਭਗ 45 ਮੀਲ ਪ੍ਰਤੀ ਘੰਟਾ (mph) ਦੀ ਗਤੀ ਨਾਲ ਵਗਣ ਵਾਲੇ ਤੇਜ਼ ਹਵਾ ਦੇ ਝੌਂਕਿਆਂ ਦੀ ਭਵਿੱਖਬਾਣੀ ਜੋ ਸਥਾਨ ਉੱਤੇ, ਅਤੇ ਸਾਈਟ-ਲਈ-ਵਿਸ਼ੇਸ਼ ਹਾਲਤਾਂ ਜਿਵੇਂ ਕਿ ਤਾਪਮਾਨ, ਭੂ-ਭਾਗ ਅਤੇ ਸਥਾਨਕ ਜਲਵਾਯੂ ’ਤੇ ਨਿਰਭਰ ਕਰਦੀ ਹੈ
• ਜ਼ਮੀਨ ਉੱਤੇ ਖੁਸ਼ਕ ਈਂਧਨ ਦੀ ਸਥਿਤੀ ਅਤੇ ਜਿੰਦਾ ਬਨਸਪਤੀ (ਨਮੀ ਦੀ ਮਾਤਰਾ)
• PG&E ਦੇ ਵਾਈਲਡਫਾਇਰ ਸੇਫਟੀ ਆਪਰੇਸ਼ਨਜ਼ ਸੈਂਟਰ (Wildfire Safety Operations Center) ਵੱਲੋਂ ਅਤੇ ਫੀਲਡ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀ-ਦਲਾਂ ਵੱਲੋਂ ਮੌਕੇ-ਉੱਤੇ, ਨਾਲੋ-ਨਾਲ ਕੀਤੇ ਪ੍ਰੀਖਣ

ਮਹੱਤਵਪੂਰਨ ਤੌਰ ’ਤੇ, ਹਾਲਾਂਕਿ ਅਸੀਂ ਨੈਸ਼ਨਲ ਵੈਦਰ ਸਰਵਿਸ (National Weather Service) ਵੱਲੋਂ ਜਾਰੀ ਕੀਤੀਆਂ ਰੈੱਡ ਫਲੈਗ ਵਾਰਨਿੰਗਾਂ ਦੀ ਨਿਗਰਾਨੀ ਕਰਦੇ ਹਾਂ ਅਤੇ ਇਹਨਾਂ ’ਤੇ ਵਿਚਾਰ ਕਰਦੇ ਹਾਂ, ਪਰ ਰੈੱਡ ਫਲੈਗ ਵਾਰਨਿੰਗ ਦੇ ਜਾਰੀ ਹੋਣ ਨਾਲ ‘ਜਨਤਕ ਸਲਾਮਤੀ ਲਈ ਬਿਜਲੀ ਕੱਟ’ ਸਵੈਚਲਿਤ ਤੌਰ ’ਤੇ ਚਾਲੂ ਨਹੀਂ ਹੋ ਜਾਂਦਾ।

ਕਿਸੇ ਅਜਿਹੇ ਭਾਈਚਾਰੇ ਵਿੱਚ ਬਿਜਲੀ ਸਪਲਾਈ ਬੰਦ ਕਿਉਂ ਕੀਤੀ ਜਾਵੇਗੀ ਜੋ ਤੇਜ਼ ਹਵਾਵਾਂ ਦਾ ਸਾਹਮਣਾ ਨਹੀਂ ਕਰ ਰਿਹਾ?

ਜਨਤਕ ਸਲਾਮਤੀ ਲਈ ਬਿਜਲੀ ਕੱਟ ਨੂੰ ਸ਼ੁਰੂ ਕਰਨ ਬਾਰੇ ਫੈਸਲਾ ਕਰਦੇ ਵਕਤ ਤੇਜ਼ ਹਵਾਵਾਂ ਦੀਆਂ ਭਵਿੱਖਬਾਣੀਆਂ ਉਹਨਾਂ ਕਈ ਕਸੌਟੀਆਂ ਵਿੱਚੋਂ ਇੱਕ ਹਨ ਜਿਨ੍ਹਾਂ ’ਤੇ ਅਸੀਂ ਕਈ ਹੋਰ ਕਾਰਕਾਂ ਦੇ ਨਾਲ-ਨਾਲ ਵਿਚਾਰ ਕਰਦੇ ਹਾਂ ਜਿਵੇਂ ਕਿ ਬੇਹੱਦ ਨਾਜ਼ੁਕ ਹੱਦ ਤੱਕ ਖੁਸ਼ਕ ਬਨਸਪਤੀ ਅਤੇ ਮੌਕੇ-ਉੱਤੇ ਕੀਤੇ ਪ੍ਰੀਖਣਾਂ ਦੇ ਨਾਲ-ਨਾਲ ਨਮੀ ਦੇ ਬੇਹੱਦ ਨੀਵੇਂ ਪੱਧਰ ਹੋਣ ਬਾਰੇ ਭਵਿੱਖਬਾਣੀਆਂ।

ਹਾਲਾਂਕਿ ਹੋ ਸਕਦਾ ਹੈ ਤੁਸੀਂ ਕਿਸੇ ਅੱਗ ਲੱਗਣ ਦੇ ਉੱਚ ਖਤਰੇ ਵਾਲੇ ਇਲਾਕੇ ਵਿੱਚ, ਜਾਂ ਤੇਜ਼ ਹਵਾਵਾਂ ਦਾ ਸਾਹਮਣਾ ਕਰਨ ਵਾਲੇ ਇਲਾਕੇ ਵਿੱਚ ਨਾ ਰਹਿੰਦੇ ਹੋਵੋਂ, ਪਰ ਤੁਹਾਡੀ ਬਿਜਲੀ ਤਾਂ ਵੀ ਬੰਦ ਕੀਤੀ ਜਾ ਸਕਦੀ ਹੈ ਜੇ ਤੁਹਾਡਾ ਭਾਈਚਾਰਾ ਸਪਲਾਈ ਵਾਸਤੇ ਕਿਸੇ ਅਜਿਹੀ ਲਾਈਨ ’ਤੇ ਨਿਰਭਰ ਕਰਦਾ ਹੈ ਜੋ ਤੇਜ਼ ਝੌਂਕੇ ਵਾਲੀਆਂ ਹਵਾਵਾਂ ਅਤੇ ਖੁਸ਼ਕ ਹਾਲਤਾਂ ਦੇ ਨਾਲ-ਨਾਲ ਅੱਗ ਲੱਗਣ ਦੇ ਉੱਚ ਖਤਰੇ ਵਾਲੇ ਕਿਸੇ ਇਲਾਕੇ ਵਿੱਚੋਂ ਗੁਜ਼ਰਦੀ ਹੋਵੇ।

ਅਸੀਂ ਕਿਆਸ ਲਗਾਉਂਦੇ ਹਾਂ ਕਿ PG&E ਦੀ ਸਰਵਿਸ ਵਾਲੇ ਇਲਾਕੇ ਵਿੱਚ ਜਨਤਕ ਸਲਾਮਤੀ ਲਈ ਬਿਜਲੀ ਕੱਟ ਪ੍ਰਤੀ ਸਾਲ ਕਈ ਵਾਰ ਵਾਪਰ ਸਕਦੇ ਹਨ ਹਾਲਾਂਕਿ ਤੇਜ਼ੀ ਨਾਲ ਬਦਲਦੀਆਂ ਵਾਤਾਵਰਣਕ ਹਾਲਤਾਂ ਨੂੰ ਦੇਖਦੇ ਹੋਏ ਨਿਸ਼ਚਿਤਤਾ ਨਾਲ ਇਹ ਭਵਿੱਖਬਾਣੀ ਕਰਨੀ ਅਸੰਭਵ ਹੈ ਕਿ ਅੱਗ ਲੱਗਣ ਦੇ ਵਧੇ ਹੋਏ ਖਤਰੇ ਦੇ ਨਾਲ-ਨਾਲ, ਤੇਜ਼ ਝੌਂਕੇ ਵਾਲੀਆਂ ਤੇਜ਼ ਹਵਾਵਾਂ ਅਤੇ ਖੁਸ਼ਕ ਹਾਲਤਾਂ ਕਦੋਂ, ਕਿੱਥੇ ਅਤੇ ਕਿੰਨ੍ਹੇ ਕੁ ਵਕਫੇ ਬਾਅਦ ਵਾਪਰਨਗੀਆਂ।

ਹਾਲਾਂਕਿ ਅੱਗ ਲੱਗਣ ਦੇ ਉੱਚ ਖਤਰੇ ਵਾਲੇ ਇਲਾਕੇ ਵਿਚਲੇ ਗਾਹਕਾਂ ਦੇ ਪ੍ਰਭਾਵਿਤ ਹੋਣ ਦੀ ਵਧੇਰੇ ਸੰਭਾਵਨਾ ਹੈ, ਪਰ ਕਿਸੇ ਵੀ ਗਾਹਕ ਦੀ ਬਿਜਲੀ ਬੰਦ ਕੀਤੀ ਜਾ ਸਕਦੀ ਹੈ ਜੇ ਉਸਦਾ ਭਾਈਚਾਰਾ ਕਿਸੇ ਅਜਿਹੀ ਲਾਈਨ ’ਤੇ ਨਿਰਭਰ ਕਰਦਾ ਹੈ ਜੋ ਅੱਗ ਲੱਗਣ ਦੇ ਉੱਚ ਖਤਰੇ ਵਾਲੇ ਕਿਸੇ ਇਲਾਕੇ ਵਿੱਚੋਂ ਲੰਘਦੀ ਹੈ। ਅਸੀਂ ਆਪਣੇ ਸਾਰੇ ਗਾਹਕਾਂ ਨੂੰ ਇਸ ਸੰਭਾਵਨਾ ਵਾਸਤੇ ਤਿਆਰ ਹੋਣ ਲਈ ਕਹਿੰਦੇ ਹਾਂ ਚਾਹੇ ਉਹ ਕਿਤੇ ਵੀ ਰਹਿੰਦੇ ਜਾਂ ਕੰਮ ਕਰਦੇ ਹੋਣ।