Kev nyabxeeb rau Nuclear
- Tub ceevxwm thiab cov chaw tua hluav taws siv cov tswb ceebtoom lossis lus tshaj tawm nrov. Nws muaj 131 lub tswb nyob rau hauv thaj chaw Protective Action Zones 1-12, txij li ntawm Cayucos rau sab qhaum teb mus rau Nipomo Mesa sab qab teb.
- Nws yuav muaj lus Emergency Notification System xa hauv cov xovtooj cua thiab cov tshooj tv nyob hauv lub nroog
- Lus tshaj tawm Hu Rov Qab 9-1-1 (Reverse 9-1-1) hu hauv xovtooj mus rau koj tus xovtooj hauv tsev, thiab tus ntawm tes yog koj twb muab koj tus xovtooj mus tso rau hauv lub chaw hu ntawd lawm
- Muaj lus tshaj tawm rau hauv social media
- Tshooj xovtooj cua tshaj xovxwm rau nkoj Marine Channel 16, yog koj nyob tom hiav txwv
Mloog ntsoov cov tswb ceebtoom
Hu mus nrhiav kev pab lossis lus qhia ntxiv yog xav tau
Hu mus nrhiav cov kev pab rau kev muaj xwmceev yog tias koj yeej yuav tsum tau txais kev pab los ceev txoj sia tam sim:
- Yog koj yuav tsum tau txais kev pab rau kev khomob, kev muaj hluav taws kub nyiab lossis tub ceevxwm, hu 9-1-1.
- Yog koj xav paub ntxiv lossis xav tau kev pab ceev rau thaum muaj ib qho kev khiav tawm, hu 805-543-2444. (Lub chaw County Office of Emergency Services qhib tus xovtooj no rau thaum muaj ib yam xwmceev uas muaj kev cuam tshuam rau coob coob tus neeg nyob hauv lub nroog.)
Nrhiav kom paub txoj hauv kev uas koj yuav khiav tawm
U.S Highway 101 thiab State Highway 1 yog ob txoj kev tsheb loj rau neeg khiav tawm. Neeg yuav siv tau lub xeev cov kev tsheb loj thiab cov kev tsheb me hauv nroog los mus nkag rau U.S. Highway 101 thiab State Highway 1. Yuav muaj tub ceevxwm nyob ntawm cov kev loj no los qhia tias saib lawv xav kom cov neeg tsav tsheb mus li cas. Daim duab qhia thaj chaw Emergency Planning Zone Map (xyuas hauv qab no) qhia cov hauv kev tseemceeb rau neeg khiav tawm. Cov xovtooj cua thiab tshooj tv nyob hauv nroog yuav muaj lus qhia txog cov hauv kev rau neeg khiav tawm.
Nco ntsoov:: Tsis txhob khiav tawm ntawm thaj chaw koj nyob tshwj tias cov lus ceebtoom los ntawm qhov kev tshajxo Emergency Notification System yeej hais kom neeg khiav tawm.
Cov teebmeem no yog muaj cov me mus txog rau cov loj
- Ib yam teebmeem txawv:Ib yam teebmeem txog lub chaw tsim hluav taws xob uas peb yuav tsis tau hais kom cov pejxeem lossis cov neeg tuav dejnum hauv lub nroog ua ib yam dejnum xwmceev dabtsi. Muaj ib yam dabtsi tshwmsim uas yeej tsis paub li, lossis muaj lus hawv lossis muaj neeg hais tias yuav ua ib yam dabtsi phem rau lub chaw tsim hluav taws xob. Yeej tsis muaj teebmeem dabtsi rau pejxeem txoj kev noj qab nyob zoo thiab kev nyabxeeb.
- Lus ceebtoom:Ib yam dabtsi ntawm txoj kev ceev kev nyabxeeb hauv lub chaw tsim hluav taws xob puas lawm lossis tej zaum puas lawm, lossis muaj ib qho teebmeem ceev kev nyabxeeb tshwmsim. Muaj teebmeem txog kev noj qab nyob zoo rau cov neeg ua haujlwm hauv lub chaw tsim hluav taws xob lossis ua rau tej khoom nyob hauv lub chaw tsim hluav taws xob puas.
- Xwmceev Nyob Rau Ib Ncig Hauv Lub Chaw Tsim Hluav Taws Xob:Xav tias muaj lossis twb muaj cov pa radiological (radiological event) tawm, lossis muaj ib qho teebmeem rau txoj kev ceev lub chaw tsim hluav taws xob uas muaj kev ua phem rau cov neeg ua haujlwm ntawm lub chaw tsim hluav taws xob lossis txhob txwm ua kom tej khoom puas uas yuav ua rau lub chaw tsim hluav taws xob tsis ua haujlwm, lossis ua rau nkag tsis tau mus rau ntawm cov khoom uas yuav tsum tau siv los tiv thaiv pejxeem. Cov pa radiological yuav mus tsis dhau qhov deb ntawm lub chaw tsim hluav taws xob uas tsoomfwv teev tseg, ib thaj chaw li ntawm 100 yards nyob ib ncig ntawm lub chaw tsim hluav taws xob.
- Xwmceev Li Ib Txwm Muaj:Tau muaj lossis tej zaum yuav muaj radioactivity tawm, lossis muaj ib qho teebmeem tshwmsim uas ua rau mus tswj tsis tau lub chaw tsim hluav taws xob. Tej zaum yuav tau dejnum los tiv thaiv ntau thaj chaw nyob hauv thaj chaw Protective Action Zones.
Cov koomhaum saibxyuaj pejxeem txoj kev nyabxeeb siv txoj Kev Hu Rov Qab 911 rau thaum muaj ib yam xwmceev los mus xa xov kaw ua suab lus mus rau cov xovtooj hauv tsev thiab xovtooj ntawm tes uas tau mus tso npe txais nyob rau hauv ib cheeb tsam ntawm ib thaj chaw. Cov xovtooj hauv tsev yeej muaj nyob rau hauv txoj kev xa lus tshaj tawm hauv Kev Hu Rov Qab 911 tag lawm. Tus neeg yuav tsum tau muab cov xovtooj ntawm tes coj mus tso npe txais.
Thaj chaw Emergency Planning Zone nyob ib ncig ntawm Diablo Canyon Power Plant yog muab faib ua 12 thaj chaw Protective Action Zones (PAZs). Cov thaj chaw no yog siv los mus npaj kev pab xwmceev thiab dejnum rau cov thaj chaw ntawd. Mus kawm saib koj nyob thiab ua haujlwm rau thaj chaw PAZ twg, thiab koj yuav khiav tawm li thaum muaj ib yam xwmceev los mus npaj ua ntej. Yog koj muaj cov menyuam kawm ntawv, xyuas kom meej tias saib lawv lub tsev kawm ntawv nyob thaj chaw Protective Action Zone twg.
Cov ntaub ntawv lossis chaw pab uas muaj ntxiv
California’s Office of Emergency Services (Lub Chaw Ua Hauj Lwm Saib Xyuas Cov Kev Pab Cuam Thaum Muaj Xwm Txheej Kub Ceev Nrawm Xeev California) >
Koom Haum Lej Khov Ntawm Teb Chaws Mes Kas (American Red Cross) >
Tsoom Fwv Lub Chaw Ua Hauj Lwm Tswj Xyuas Xwm Txheej Kub Ntxhov Ceev (Federal Emergency Management Agency) >